काठमाडौं । काठमाडौंबाट यात्रु बोकेर विराटनगरतर्फ जाँदै गरेको यात्रुवाहक बस दुर्घटना हुँदा १७ जना यात्रु घाइते भएका छन् । आइतबार बिहान बागमती प्रदेश ०१–००६ ख ५२३७ नम्बरको बस धनुषाको मिथिला नगरपालिका–९, फुटबल ग्राउन्ड नजिक पूर्व–पश्चिम राजमार्गमा दुर्घटना भएको प्रहरीले जानकारी दिएको हो ।  

प्रहरीका अनुसार अर्को बसलाई ओभरटेक गर्दा अनियन्त्रित भएर सडकमै पल्टिएको थियो । 

दुर्घटनामा १७ जना घाइते भएका छन् । उनीहरूलाई लालगढस्थित मोइल अस्पतालमा भर्ना गरिएको छ । बसमा ३३ यात्रु सवार रहेका छन् । अन्य यात्रु सकुसल रहेको प्रहरीले जनाएको छ ।