काठमाडौं । नेकपा (एमाले)को आजका लागि तय भएको सचिवालय बैठक अचानक स्थगित भएको छ । पार्टी अध्यक्ष केपी शर्मा ओलीले आज दिउँसो १ बजेका लाग िआफ्नो निवास गुण्डुमा बस्ने गरी बोलाएको बैठक अन्तिम समयमा अचानक स्थगित गरेका हुन् । 

एमाले केन्द्रीय कार्यालयका सचिव भीष्म अधिकारीले दिएको जानकारी अनुसार आज स्थगित भएको बैठक अब सोमबार दिउँसो बस्नेछ । कतिपय नेताहरु आज उपत्यका बाहिर जानु पर्ने भएको तथा पार्टीका अन्य कार्यक्रमहरु पनि गर्नु पर्ने भएकोले बैठक सोमबारलाई सारिएको उनको भनाइ रहेको छ । 

सोमबार बस्ने बैठकले देशको समसामयिक राजनीतिक अवस्था, संगठन सुदृढीकरण, केन्द्रीय नेताहरूको कार्यविभाजन, जनताका अपेक्षा, सरकारका कामकारबाही, पार्टीको आगामी कार्यदिशा तथा राष्ट्रिय हितका विषयमा गम्भीर समीक्षा र महत्त्वपूर्ण निर्णय गर्ने बताइएको छ ।