काठमाडौं । पाँच पटकको विश्वविजेता ब्राजिल फिफा विश्वकपको अन्तिम १६ मा प्रवेश गरेको छ । राउन्ड अफ ३२ अन्तर्गत सम्पन्न खेलमा जापानलाई २–१ गोलले पराजित गर्दै ब्राजिलले नकआउट चरणमा आफ्नो यात्रा अघि बढाएको हो ।

खेलमा जापानले सुरुआती अग्रता लिए पनि त्यसलाई जोगाउन सकेन । २९औँ मिनेटमा काइशु सानोले गोल गर्दै जापानलाई १–० को अग्रता दिलाएका थिए ।

दोस्रो हाफमा ब्राजिलले खेलमा पुनरागमन गर्‍यो । ५६औँ मिनेटमा कासेमिरोले बराबरी गोल गरेपछि खेल १–१ को अवस्थामा पुग्यो ।

खेल अतिरिक्त समयमा जाने संकेत देखिइरहेका बेला अन्तिम समयमा मैदान प्रवेश गरेका गाब्रियल मार्टिनेलीले निर्णायक गोल गर्दै ब्राजिललाई २–१ को रोमाञ्चक जित दिलाए ।

यस हारसँगै जापानको विश्वकप यात्रा राउन्ड अफ ३२ मै टुंगिएको छ । अब ब्राजिलले अन्तिम १६ मा आइभरी कोस्ट र नर्वेबीचको विजेतासँग प्रतिस्पर्धा गर्नेछ ।