काठमाडौं । आयोजक राष्ट्र मेक्सिको फिफा विश्वकप–२०२६ को अन्तिम १६ मा प्रवेश गरेको छ । समूह चरणको आफ्नो पछिल्लो खेलमा इक्वेडरलाई २–० ले पराजित गर्दै मेक्सिकोले नकआउट चरणमा स्थान सुरक्षित गरेको हो ।

घरेलु समर्थकको साथ पाएको मेक्सिकोले खेलको पहिलो हाफमै दुवै गोल गरेको थियो । टोलीका लागि जुलियन क्विनोनेसले २२औँ मिनेटमा खाता खोलेका थिए भने राउल जिमेनेजले ३१औँ मिनेटमा अर्को गोल थप्दै टोलीको अग्रता दोब्बर बनाए ।

दोस्रो हाफमा थप गोल ननिस्किएपछि मेक्सिकोले २–० को नतिजा आफ्नो पक्षमा पार्दै प्रि–क्वार्टरफाइनल यात्रा तय गर्‍यो ।

अब मेक्सिकोले क्वार्टरफाइनल प्रवेशका लागि इङ्ल्यान्ड र डीआर कंगोबीच हुने प्रतिस्पर्धाको विजेतासँग खेल्नेछ ।

यस संस्करणको विश्वकपमा मेक्सिकोले अहिलेसम्म अपराजित यात्रा कायम राखेको छ । टोलीले कुनै खेल गुमाएको छैन भने विपक्षी टोलीले मेक्सिकोको पोस्टमा गोल गर्न समेत सकेका छैनन् ।