काठमाडौं । नुवाकोटका बाढी प्रभावित नागरिकका लागि श्री श्री श्री महागुरु दिव्य सिद्धि पुरुष जगद्गुरु महाराज शिव शक्ति बाबाले करिब १ लाख ८० हजार रुपैयाँ बराबरको राहत सामग्री तथा नगद सहयोग गरेका छन् । भदौ १५ गते काठमाडौंँबाट राहत सामग्री आफैँ लिएर नुवाकोटको विदुर पुगेका बाबाले बाढी प्रभावित परिवारलाई खाद्यान्न तथा आवश्यक सामग्रीसँगै नगद सहयोगसमेत वितरण गरेका हुन् । 

कठिन परिस्थितिमा रहेका नागरिकलाई तत्काल राहत पुगोस् भन्ने उद्देश्यले उनी व्यक्तिगत रूपमा प्रभावित क्षेत्रमा पुगेर सहयोग गरेको जनाइएको छ ।

शिव शक्ति बाबाले उपलब्ध गराएको राहत सामग्रीमा चामल, चिउरा, भुजा, दालबुट, भुजिया, फ्रुटी, पानीलगायत विभिन्न खाद्यान्न तथा आवश्यक सामग्री रहेका छन्।  साथै, प्रभावित केही नागरिकलाई व्यक्तिगत रूपमा नगद सहयोगसमेत प्रदान गरिएको थियो ।

बाढी तथा पहिरोका कारण प्रभावित नागरिक समस्यामा परिरहेका बेला गरिएको सहयोगले राहतसँगै पीडित परिवारमा आशा र आत्मीयताको अनुभूति गराएको बताइएको छ । विपद्को समयमा सहयोगी हातहरू एकजुट हुनुपर्ने सन्देशसमेत यस मानवीय पहलले दिएको छ ।

शिव शक्ति बाबाको मानवीय सेवाको चर्चा भारतका विभिन्न सञ्चारमाध्यममा समेत भएको जनाइएको छ । छिमेकी देशका सञ्चारमाध्यममा समेत उनको सहयोगले स्थान पाउनु विपद्को समयमा गरिएको मानवीय सेवाप्रति देखाइएको सकारात्मक चासोका रूपमा लिइएको छ ।

विपद्को कठिन घडीमा बाढीपीडितको साथमा उभिँदै राहत तथा नगद सहयोग पुर्‍याउने शिव शक्ति बाबा तथा सम्पूर्ण सहयोगी हातहरूप्रति आभार व्यक्त गरिएको छ। यस्तो मानवीय पहलले समाजमा सहयोग, सद्भाव र सेवाभावलाई थप बलियो बनाउने विश्वास गरिएको छ ।