सुर्खेत । एक वर्षपछि कर्णालीमा हुने १० औं राष्ट्रिय खेलकुद प्रतियोगिताका लागि छनोट भएका खेलाडीहरुलाई ५ हजार रुपैयाँ दिइने भएको छ । प्रदेश खेलकुद विकास परिषद्को १५ औं बोर्ड बैठकले प्रतियोगिताको लागि प्रदेशबाट छनोट भएका खेलाडीहरुलाई मासिक ५ हजार भत्ता उपलब्ध गराउने निर्णय गरेको हो ।
परिषद्का सदस्य सचिव विश्वामित्र संज्यालले प्रतियोगितामा कर्णालीले दुई अंकको लक्ष्य अर्थात ‘९९’ को टाग्रेट मिट गर्ने गरी तयारी थालेको बताए । बाग्मती प्रदेशले फागुन १५ बाट आयोजना गर्ने अन्तर प्रदेश स्तरीय राष्ट्रिय खेलकुद प्रतियोगिताको लागि कर्णालीबाट छनोट भएका खेलाडीहरुलाई नै १० औँ राष्ट्रिय खेलुकद प्रतियोगिताको लागि बन्द प्रशिक्षणमा राख्ने गरी परिषद्ले तयारी थालेको पनि उनले बताए ।
मासिक ५ हजार दिने निर्णयले खेलाडीहरुमा उत्साह थपिएको छ । राष्ट्रिय स्तरका क्रिकेट खेलाडी उत्पादन गरेर पनि खेल मैदानको अभाव झेलिरहेको कर्णालीमा अब एक स्थानीय तह एक क्रिकेट तालिम सेन्टरको स्थापना हुने भएको छ ।
परिषदको १५ औँ बोर्ड बैठकले क्रिकेट खेलको दिर्घकालिन योजनाको रुपमा स्थानीय तहको साझेदारीमा एक स्थानीय तह एक क्रिकेट तालिम सेन्टरको स्थापना गर्ने दिर्घकालिन योजना पास गरेको छ ।
प्रदेश राजधानी शहर वीरेन्द्रनगरमा भने कालिञ्चोक स्थित क्रिकेट मैदान र निर्माणाधिन प्रदेश रंगशालाको उत्तरपट्टिको भागमा क्रिकेट रंगशाला निर्माण थालेको छ ।
प्रदेशका सामाजिक विकास मन्त्री खड्ग बहादुर पोखरेलले प्रदेश सरकारले १० औँ राष्ट्रिय खेलकुद प्रतियोगिता तयारीको लागि कुनै कुराको अभाव हुन नदिने बताए ।
यो खबर पढेर तपाईलाई कस्तो महसुस भयो ?
ताजा उपडेट
- पर्यटकीय स्थल डहरे र अन्धाअन्धी दहको प्रवर्धन
- १२५५ को ७.८ रेक्टर भूकम्पको क्षतिपछि चारयुग झल्कने कलाकृति निर्माण गरिएको पनौती
- म्याग्दी र मुस्ताङका पर्यटकीय तथा धार्मिक स्थलमा आन्तरिक तथा बाह्य पर्यटक आकर्षित
- लगानी सम्मेलनः रारामा रिसोर्ट निर्माण गर्न अस्ट्रेलियन लगानी भित्रियो
- नेपाल–कोरिया दौत्य सम्बन्धको ५० वर्ष पूरा
- ग्लोबल आइएमई बैंकको ग्लोबल ग्रीन आवास कर्जा, ८.९९ प्रतिशत स्थिर ब्याज दर
- ज्योति विकास बैंकद्वारा अग्नि पिडित परिवारहरुलाई राहत सामग्रीहरु प्रदान
- बिहारका डा. आशिष सिंहको चर्चा विश्वभर फैलिँदै : रोबोटिक सर्जरीले पाउँदै छ नयाँ अनुहार