काठमाडौं । आगामी वर्ष हुने युरो कपमा स्पेन, कोएसिया र इटाली एकै समूहमा परेका छन् । युरोपेली फुटबल महासंघ (यूईएफए)ले प्रतियोगिताका लागि समूह विभाजन गरेको हो ।

समूह ‘बी’मा यी तीन टोलीबाहेक अल्बानिया पनि रहेको छ । समूह ‘ए’मा जर्मनी, स्कटल्यान्ड, हंगेरी र स्वीट्जरल्यान्ड छन् ।

स्लोभानिया, डेनमार्क, सर्बिया र इङ्ल्यान्ड समूह ‘सी’मा छन् । प्ले अफ ‘ए’ विजेता, नेदरल्यान्ड्स, अस्ट्रेलिया र फ्रान्स समूह ‘डी’मा तथा समूह ‘ई’मा बेल्जियम, स्लोभाकिया, रोमानिया र प्ले अफ ‘बी’ विजेता रहनेछन् ।  

प्ले अफ ‘सी’ विजेता, टर्की, पोर्चुगल र चेक गणतन्त्र समूह ‘एफ’मा रहेका छन् । प्ले अफबाट छनोट हुने तीनवटा टोलीको टुंगो लाग्न बाँकी छ ।