ट्रेन्डिङ
खबरमुकाम
जेनजी आन्दोलनका क्रममा भएको आक्रमणपछि बन्द रहेको मौलाकाली केबुलकार शनिबारदेखि सञ्चालनमा आएको छ । आन्दोलनका क्रममा आगजनी तथा तोडफोड हुँदा केबुलकार गत भदौ २५ गतेदेखि बन्द रहेको थियो ।
मौलाकाली केबुलकार प्रालिका व्यवस्थापक सुरज पौडेलले दुई महिनापछि केबुलकार पुनः सञ्चालनमा ल्याइएको जानकारी दिनुभयो । “प्राविधिकहरूद्वारा केबुलकारको आवश्यक मर्मत तथा परीक्षण गरेर पुनः सञ्चालनमा ल्याएका छौँ,” उहाँले भन्नुभयो ।
भदौ २४ गतेको तोडफोड र आगजनीका कारण केबुलकारको बटम स्टेसनमा रहेका कार्यालय भवन फर्निचरलगायत प्राविधिक उपकरण क्षतिग्रस्त भएपछि कम्पनीले सेवा बन्द गरेको थियो । केबुलकार निर्माता कम्पनी अस्ट्रियाको डोपलमायरबाट सामानसहितका प्राविधिक आएर केबुलकार पुनर्निर्माण गरेको पौडेलले जानकारी दिनुभयो । उहाँका अनुसार केबुलकार अहिले बिहान ६ बजेदेखि राति १० बजेसम्म सञ्चालन भइरहेको छ ।
केबुलकारको सेवा अवरुद्ध हुँदा मौलाकालिका मन्दिर दर्शन गर्न जाने भक्तजनलाई असर परेको थियो । केबुलकार सञ्चालनमा आएसँगै ३० प्रतिशतभन्दा बढी भक्तजन बढेको कम्पनीको दाबी छ ।
यो खबर पढेर तपाईलाई कस्तो महसुस भयो ?
ताजा उपडेट
- अमेरिका–इरान युद्ध अन्त्यतर्फ, सम्झौतामा हस्ताक्षरको तयारी
- विश्वकपमा स्कटल्यान्डको विजयी सुरुआत, समूह ‘सी’को शीर्ष स्थानमा उक्लियो
- चीन भ्रमणमा निस्कँदै परराष्ट्रमन्त्री, कूटनीतिक भेटघाटमा केन्द्रित रहने
- आज देशका विभिन्न क्षेत्रमा बदली, केही स्थानमा वर्षाको सम्भावना
- सुस्तामा एसएसबीको प्रवेश रोक्न सरकारसँग एमालेको माग
- श्रम संस्कृति पार्टीले पृथ्वीका सबै श्रमिकलाई मुक्ति र न्याय दिन्छ– सुदन किराती
- मापदण्ड विपरीत सञ्चालित भक्तपुरको बाल गृहबाट ८ बालबालिकाको उद्धार
- २५ वर्षसम्म गोप्य राखिएको रावल आयोगको प्रतिवेदन कार्यान्वयनमा ल्याउँदै बालेन सरकार
