काठमाडौं । सरकारले आचज दोश्रो चरणमा सुकुम्बासी बस्तीमा डोजर चलाउँदैछ । काठमाडौं उपत्यकाका अतिक्रमित तथा नदी किनारका सुकुम्वासी बस्ती खाली गराउने सरकारको अभियानअन्तर्गत दोस्रो चरणमा आज शुक्रबार विभिन्न क्षेत्रमा डोजर चलाउन लागिएको हो । 

जिल्ला प्रशासन कार्यालय काठमाडौंले बुधबार नै सूचना निकालेर बल्खुको बस्ती खाली गर्न बिहीबार साँझसम्मको अल्टिमेटम दिएको थियो । प्रशासनको सूचनापछि प्रभावित क्षेत्रका बासिन्दाहरूले धमाधम सामान सारेका थिए । योक्रम आज बिहानसम्म पनि जारी छ ।

आजदेखि टेकुको वंशिघाट, शंखमूल, बुद्धनगर, बल्खु, कुलेश्वर, कपन, वसुन्धारा, गोंगबु, बालाजु, माछापोखरीलगायतको ठाउँमा अतिक्रमित जग्गा खाली गर्ने तयारी छ ।

पहिलो चरणमा सिनामंगलको गैरीगाउँ, शान्तिनगर, मनोहरा र थापाथली क्षेत्रका बस्ती खाली गरिसकिएको छ ।