नेपालगञ्ज । दर्शन सेवा समाज बाँकेको ११ औं साधारणसभा तथा छैटौं अधिबेशन शनिवार नेपालगञ्जमा हुने भएको छ । ठकुरीहरुको छाता संगठनको रुपमा रहेको समाजको अधिबेशनले नयाँ नेतृत्व चयन गर्नेछ ।

अध्यक्ष रमेश बहादुर शाहका अनुसार, पूर्वमन्त्री गजेन्द्र हमालको प्रमुख आतिथ्यतामा सुनखरि रेष्टुरेण्टमा शनिवार बिहान ११.०० बजे देखि अधिबेशन शुरु हुनेछ ।

अधिबेशन तथा साधारणसभाले वार्षिक प्रगति, आर्थिक प्रतिवेदन अनुमेदान गर्नुका साथै नयाँ नेतृत्व चयन गर्नेछ । समाजले नेपालगञ्ज १२ मुक्तिपुरमा समाजको कार्यालयसँगै बहुउद्देशीय भवन निर्माण गरिरहेको छ । 

२०६१ सालमा गठन भएको समाज २०६२ सालमा विधिवत रुपमा जिल्ला प्रशासन कार्यालय बाँकेमा दर्ता भएको थियो । सो समाजको संस्थापक अध्यक्ष जयन्ती शाही हुन् भने यस संस्थाको विद्यान मस्यौदाकार हालका अध्यक्ष रमेश बहादुर शाह हुन् । तत्पश्चात किरण बहादुर शाह, धर्मराज शाह, शशि शाहले सो समाजको नेतृत्व गरिसकेका छन् ।