काठमाडौं । सरकारले विभिन्न सञ्चार संस्थाको नेतृत्वका लागि दरखास्त आव्हान गरेको छ । सार्वजनिक सूचना जारी गर्दै सूचना तथा सञ्चार मन्त्रालयले प्रेस काउन्सिल र सार्वजनिक सेवा प्रसारण संस्थाको अध्यक्ष तथा गोरखापत्र संस्थानको महाप्रबन्धकका लागि दरखास्त आव्हान गरेको हो । 

गोरखापत्र संस्थानमा महाप्रबन्धक तथा प्रेस काउन्सिल र सार्वजनिक सेवा प्रसारण संस्थामा प्रतिस्पर्धात्मक प्रणालीबाट अध्यक्ष पदको पदपूर्ति गर्नुपर्ने भएकाले इच्छुक र योग्य व्यक्तिले आजदेखि जेठ १८ गते कार्यालय समयभित्र दरखास्त पेस गर्न मन्त्रालयले आव्हान गरेको छ । 

दरखास्त पेस गर्ने उम्मेदवारका लागि दरखास्त फारम, दरखास्त साथ संलग्न गर्नुपर्ने योग्यता, आवश्यक कागजात लगायतको विस्तृत जानकारी सूचना तथा सञ्चार मन्त्रालयको वेबसाइट  www.mocit.gov.np मा उपलब्ध रहेको जनाइएको छ ।