काठमाडौं । श्रम संस्कृति पार्टीका अध्यक्ष हर्कराज राई (साम्पाङ)ले संसदबाट आफ्नो निष्कासनको माग गरेका छन् । प्रतिनिधिसभाको बैठक सुरु हुनासाथ अध्यक्ष राईले प्रधानमन्त्री बालेन्द्र साहलाई संसदको बैठकमा उपस्थित गराउन नसक्ने भए आफूलाई निष्कासन गर्न माग गरेका हुन् । 

पहिले प्लेकार्ड देखाएका उनलाई सभामुख डोलप्रसाद अर्यालले बोल्ने अनुमति दिएका थिए । उक्त अनुमति पाउनासाथ राईले प्रधानमन्त्रीलाई संसदमा उपस्थित गराउन नसकेको भन्दै सभामुखको आलोचना गरे । संविधानको धारा सम्झाउँदै उनले आफूहरुको माग पुरा नगरेको गुनासो गरे । 

प्रतिनिधिसभा नियमावली २०७९ को नियम १५ को उपनियम (२) बमोजिम प्रधानमन्त्री बालेन्द्र शाहलाई संसदमा उपस्थित हुन निर्देशन दिन र त्यो गर्न नसक्ने भए आफूलाई नियमावलीको नियम ३१ को उपनियम (१) बमोजिम निष्कासन गर्न माग गरेका हुन् । 

सभामुख अर्यालले बस्न अनुरोध गर्दा गर्दै साम्पाङ आफ्नो झोला बोकेर निस्किएका थिए । संसदको बैठक भने त्यसपछि पनि सुचारु भएको थियो ।