काठमाडौं । आज देशभर गणतन्त्र दिवसको अवसरमा विशेष कार्यक्रम गरिँदैछ । जननिर्वाचित पहिलो संविधानसभाबाट २०६५ जेठ १५ गते निरंकुश राजतन्त्रको विधिवत् अन्त्य गर्दै नेपालमा संघीय लोकतान्त्रिक गणतन्त्र स्थापना भएको अवसरमा यो दिवस मनाउने गरिएको हो । 

गणतन्त्र दिवसका अवसरमा आज काठमाडौंको सैनिक मञ्च टुँडिखेलमा विशेष समारोहको आयोजना गरिएको छ । समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री बालेन्द्र साहलगायत विशिष्ट व्यक्तित्वहरुको सहभागिता रहेको छ । हरेक वर्ष जेठ १५ गते मनाइने गणतन्त्र दिवसका अवसरमा देशभरी सार्वजनिक बिदा दिने गरिएको छ । 

आजको समारोहमा राष्ट्रपति पौडेलको सम्बोधन हुने भए पनि प्रधानमन्त्री साहले भने सम्बोधन नगर्ने भएका छन् । अघिल्ला वर्षहरुमा भने प्रधानमन्त्रीले सम्बोधन गर्ने चलन रहँदै आएको थियो ।