काठमाडौं । काठमाडौं उपत्यकामा गएरातिदेखि मौसम बदलीसँगै वर्षा भइरहेको छ । मौसम पूर्वानुमान महाशाखाले नियमित मौसम बुलेटिन मार्फत आजको पूर्वानु विवरण सार्वजनिक गरेको हो ।  

शुक्रबार बिहानसम्म उपत्यकाका विभिन्न क्षेत्रमा हल्का वर्षा जारी रहेको पनि महाशाखाले जनाएको छ । मौसमविद्हरुले पनि आज दिनभर मौसम पूर्ण रूपमा नखुल्ने र पुनः बदली भई थप वर्षा हुने सम्भावना रहेको बताएका छन् । जस अनुसार आज दिउँसोपछि उपत्यकाका केही स्थानमा मध्यम वर्षासमेत हुन सक्छ ।

महाशाखाले पछिल्लो तीन घण्टामा काठमाडौं उपत्यकाका अधिकांश क्षेत्रमा हल्का वर्षा भएको बताएको छ । मौसमको अवस्था अझै सक्रिय रहेकाले आवश्यक सतर्कता अपनाउन मौसमविद्हरूले आग्रह गरेका छन् ।