काठमाडौं । फिफा विश्वकप २०२६ को उद्घाटन खेलमा आयोजक अमेरिकाले प्रभावशाली प्रदर्शन गर्दै विजयी यात्रा सुरु गरेको छ । नेपाली समयअनुसार शनिबार बिहान सम्पन्न खेलमा अमेरिकाले पाराग्वेलाई ४–१ गोलअन्तरले पराजित गर्दै प्रतियोगितामा सुखद सुरुवात गरेको हो ।

लस एन्जलसमा भएको प्रतिस्पर्धामा अमेरिकाले खेलको सातौँ मिनेटमै अग्रता बनाएको थियो । पाराग्वेका डिफेन्डर डेमियन बोबाडिल्लाबाट आत्मघाती गोल भएपछि घरेलु टोली अघि बढेको थियो ।

अमेरिकाका स्ट्राइकर फोलारिन बालोगुनले ३१औँ मिनेटमा गोल थप्दै टोलीको अग्रता दोब्बर बनाए । उनले पहिलो हाफको अतिरिक्त समयमा अर्को गोल गर्दै टोलीलाई ३–० को बलियो स्थितिमा पुर्‍याए ।

दोस्रो हाफमा पाराग्वेका माउरिसिओले ७३औँ मिनेटमा गोल फर्काउँदै अन्तर घटाउने प्रयास गरे पनि त्यसले खेलको नतिजा बदल्न सकेन । खेलको अन्तिमतिर अतिरिक्त समयमा अमेरिकाका जियोभानी रेयनाले अर्को गोल थपेपछि घरेलु टोलीको जित सुनिश्चित भयो ।

यससँगै आयोजक अमेरिकाले विश्वकप अभियान तीन अंकसहित सुरु गरेको छ भने पाराग्वे पहिलो खेलमै निराश बनेको छ ।