काठमाडौं । नर्वे फिफा विश्वकप २०२६ को नकआउट चरणमा प्रवेश गरेको छ । मंगलबार बिहान अमेरिकाको न्युयोर्कमा भएको खेलमा सेनेगललाई ३–२ गोल अन्तरले पराजित गर्दै नर्वे अन्तिम ३२ अर्थात् नकआउट चरणमा पुगेको हो ।

नर्वेको जितमा स्टार फरवार्ड अर्लिङ हालान्डले दुई गोल गरे भने मार्कस होल्मग्रेन पेडरसनले एक गोल थपे । सेनेगलका स्पाइला सारले दुई गोल गरे पनि टोलीलाई हारबाट जोगाउन सकेनन् ।

यो जितसँगै नर्वेले दुई खेलबाट ६ अंक जोड्दै नकआउट चरणमा स्थान सुरक्षित गरेको छ । सोही समूहबाट फ्रान्स पनि नकआउट चरणमा प्रवेश गरेको छ ।

लगातार दोस्रो हार बेहोरेको सेनेगल भने समूह चरणबाटै बाहिरिएको छ ।