काठमाडौं । क्रोएसियाले फिफा विश्वकप २०२६ अन्तर्गत समूह चरणको खेलमा पानामालाई १–० गोलले पराजित गरेको छ ।

क्यानडाको टोरन्टो स्टेडियममा बुधबार बिहान सम्पन्न खेलमा एन्टे बुडिमिरले गरेको एकमात्र गोल निर्णायक बन्यो । उनले खेलको ५३औँ मिनेटमा जोसिप स्टानिसिचको पासमा गोल गर्दै क्रोएसियालाई अग्रता दिलाएका थिए ।

त्यसपछि दुवै टोलीले थप गोलका लागि प्रयास गरे पनि कुनै टोलीले सफलता हासिल गर्न सकेन र खेल १–० को नतिजामा सकियो ।

यो जितसँगै क्रोएसियाले प्रतियोगितामा पहिलो जित दर्ता गर्दै नकआउट चरण पुग्ने सम्भावना कायम राखेको छ । पहिलो खेलमा इंग्ल्यान्डसँग ४–२ गोलले पराजित भएको क्रोएसियाले यो जितपछि तीन अंक जोडेको छ ।

यता, लगातार दोस्रो हार बेहोरेसँगै पानामा भने प्रतियोगिताबाट बाहिरिएको छ । पानामा पहिलो खेलमा घानासँग १–० गोलले पराजित भएको थियो ।

समूह चरणको अन्तिम खेलमा पानामाले इंग्ल्यान्डसँग तथा क्रोएसियाले घानासँग प्रतिस्पर्धा गर्नेछ ।