काठमाडौं । फिफा विश्वकप २०२६ अन्तर्गत राउन्ड अफ ३२ को प्रतिस्पर्धामा पोर्चुगलले क्रोएसियालाई २–१ गोलअन्तरले पराजित गर्दै प्रि–क्वार्टरफाइनलमा स्थान सुरक्षित गरेको छ । शुक्रबार बिहान सम्पन्न खेलमा पहिलो अग्रता भने क्रोएसियाले लिएको थियो । 

खेलको ५३औँ मिनेटमा इभान पेरिसिकले गोल गर्दै टोलीलाई अघि बढाएका थिए । तर, पोर्चुगलले ६८औँ मिनेटमा पुनरागमन गर्‍यो । कप्तान क्रिस्टियानो रोनाल्डोले पेनाल्टीमार्फत गोल गर्दै खेललाई १–१ को बराबरीमा ल्याए ।

निर्धारित समय सकिएपछि थप गरिएको इन्जुरी समयको चौथो मिनेटमा गोन्कालो रामोसले निर्णायक गोल गर्दै पोर्चुगललाई २–१ को जित दिलाए ।

इन्जुरी समयमै क्रोएसियाले जाली चुमाए पनि उक्त गोलले मान्यता पाएन । त्यसपछि थप गोल हुन नसक्दा पोर्चुगल विजयी बन्दै अन्तिम १६ मा प्रवेश गर्न सफल भयो ।