काठमाडौं । काठमाडौंको बुद्धनगरमा आत्मदाहको प्रयास गरेका व्यवसायी अश्विनकुमार राउतको उपचारका क्रममा निधन भएको छ । शनिबार बिहान आफ्नै निवासमा आत्मदाहको प्रयास गरेका राउतको उपचारको क्रममा शनिबार वीर अस्पतालमा निधन भएको हो । 

जिल्ला प्रहरी परिसर काठमाडौंका एसपी पवन भट्टराईका अनुसार ५० वर्षीय राउतले शनिबार बिहान बुद्धनगरस्थित आफ्नै घरमा शरीरमा आगो लगाएका थिए। घटनामा उनी करिब ५० प्रतिशत जलेका थिए ।

गम्भीर अवस्थामा रहेका राउतलाई तत्काल उपचारका लागि वीर अस्पताल लगिएको थियो । तर, उपचारकै क्रममा उनको निधन भएको प्रहरीले जनाएको छ ।
राउतले आत्मदाह प्रयास गर्नुको कारणबारे प्रहरीले अनुसन्धान गरिरहेको जनाएको छ ।