बझाङ । बझाङको केदारस्युँ गाउँपालिका–७ सुङ्गरीमा शनिबार यात्रुबाहक जिप दुर्घटना हुँदा तीन जनाको घटनास्थलमै मृत्यु भएको छ ।
प्रमुख जिल्ला अधिकारी मुकेशकुमार केशरीका अनुसार दुर्घटनामा १० जना घाइते भएका छन् । घाइतेमध्ये पाँच जनाको अवस्था गम्भीर रहेको उनले जानकारी दिए ।

गम्भीर घाइतेहरूको उद्धार तथा थप उपचारका लागि सुर्खेतबाट हेलिकप्टर परिचालन गरिएको छ । अन्य घाइतेहरूको पनि उद्धार तथा उपचारको व्यवस्था भइरहेको जनाइएको छ ।

दुर्घटनाको जानकारी पाएलगत्तै प्रहरी टोली घटनास्थलतर्फ खटिएको छ। दुर्घटनाको कारणबारे अनुसन्धान भइरहेको प्रशासनले जनाएको छ ।