काठमाडौं । गायक तथा सर्जक विशाल रायमाझीको नयाँ गीत ‘हाइ सञ्चै’ सार्वजनिक भएको छ । विशाल रायमाझी अफिसियल युट्युब च्यानलमार्फत सार्वजनिक गरिएको गीतले छोटो समयमै दर्शक तथा श्रोताको ध्यान आकर्षित गरिरहेको छ ।

गीतमा विशाल रायमाझी र माया रायमाझीको स्वर रहेको छ । गीतको शब्द तथा संगीत विशाल रायमाझी स्वयंले सिर्जना गरेका हुन् भने संगीत संयोजन विश्वास नेपालले गरेका छन् ।

गीतको रेकर्डिङ सुमन राना र खुमान सिंह रानाले गरेका हुन् । मिक्सिङ तथा मास्टरिङ कुमार रानाले गरेका छन् भने रेकर्डिङ मारुनी डिजिटल स्टुडियोमा सम्पन्न गरिएको हो ।

गीतको भिडियोमा प्रेम, भावना र मनोरञ्जनलाई आकर्षक ढंगले प्रस्तुत गरिएको छ । भिडियोको निर्देशन विशाल रायमाझीले गरेका छन् भने नृत्य निर्देशन अर्जुन एडीको रहेको छ ।

भिडियोमा एलिना रायमाझी, बिक्की खत्री, सुमित्रा सुनार र विशाल रायमाझीको अभिनय देख्न सकिन्छ । छायांकन प्रकाश खड्का एन्ड टिमले गरेका हुन् ।

त्यस्तै, भिडियोको सम्पादन तथा रङ संयोजन राजकुमार मगरले गरेका छन् । पोस्टर डिजाइन लक्ष्मण चौहानले तयार पारेका हुन् भने मेकअप आर्टिस्ट सङ्गीता चन्द ठकुरी रहेकी छन् । पोस्ट–प्रोडक्सनको काम राजकुमार फिल्म्सले गरेको छ ।

गीत तथा भिडियो निर्माणमा मन जीसी, सुमित भट्टराई र सुजल क्षेत्रीको विशेष सहयोग रहेको निर्माण टिमले जनाएको छ ।