काठमाडौं । एनएमबी बैंकको एटीएम फुटाउने प्रयास गरेपछि प्रहरीले एक जनालाई नियन्त्रणमा लिएको छ । पोखरास्थित वडा नं ८ मा रहेको एनएमबी बैंकको एटीएम फुटाउने प्रयास गरेको आरोपमा २७ वर्षीय राजकुमार भनिने टीकाराम पौडेल पक्राउ परेका हुन्  ।  

माछापुच्छ्रे गाउँपालिका घर भएका पौडेल हाल पोखरा १७ विरौटा बस्दै आएका छन् । प्रहरीका अनुसार बैंकको एटीएम मेसिनबाट पैसा चोरी गर्नका लागि हातले मुक्का हानेका थिए । सोहि क्रममा एटीएम तोडफोड गर्दै गरेको अवस्थामा उनलाई पक्राउ गरिएको हो । 

वडा प्रहरी कार्यालय बैदामबाट खटिएका टोलीले पौडेललाई नियन्त्रणमा लिएको हो । पौडेललाई कास्की जिल्ला अदालतबाट चोरी उद्योग मुद्दामा ७ दिनको म्याद थपेर अनुसन्धान अघि बढाइएको छ ।