धरान -   ।  (सुनसरी)  चतराधामस्थित दुई सय ६० वर्ष पुरानो औलिया बाबा मठका संरचना जीर्ण भएका छन् । वराहक्षेत्र नगरपालिका–१ मा  चतरा गुठीको स्वामित्वका ती संरचना  तत्काल मर्मतसम्भार हुनुपर्नेमा महन्त विनायक पुरीले जोड दिएका छन  ।

मठको  मूर्तिदेखि गद्दीसम्मका संरचना जीर्ण बनाकाले तत्काल मर्मतसम्भार थाल्नुपर्ने उनको माग छ । उनले धार्मिक एवम पुरातात्त्विक महत्वका यस्ता सम्पदा संरक्षणको दायित्व समाजका सबै वर्गको भएको बताउछन । जीर्णोद्धारका लागि गुठी संस्थानलाई पत्राचार गरिएको उनले बताउछन  । 

महन्त पुरीका अनुसार शिवालयभित्रको स्वर्णजडित शिवलिङ्ग, शिवलिङ्गको स्वर्णजडित नाग, स्वर्णजडित पञ्चमुखी शिवलिङ्ग, सङ्गमर्मरद्वारा निर्मित औलिया बाबाको मूर्ति, पत्थरको द्वारा निर्मित अष्टभूजा  भैरवको मूर्ति, औलिया बाबाको गद्दी तत्काल जीर्णोद्धार गर्नुपर्ने भएको छ । धर्मशास्त्रले खण्डित मूर्ति पूजा गर्न नहुनेमा जोड दिएको उनले बताउछन ।

                                                                                                                                        स्रोत ः रासस