काठमाडौं । वर्षा र बाढीको कारण बन्द भएर तीन दिनपछी खुलेको वीपी राजमार्ग आज फेरी बन्द भएको छ । आज बिहान १० बजेदेखी सञ्चालनमा आएको राजमार्ग वर्षासँगै फेरी बन्द भएको हो । 

गत सोमबारको वर्षासँगै रोशी खोलामा आएको बाढीले बाटो बन्द भएको थियो । जिल्ला प्रहरी कार्यालय काभ्रेपलाञ्चोकले दिएको जानकारी अनुसार अस्थायी ‘डाइभर्सन’ बनाएर आज बिहानदेखि सवारी आवागमन खुलाइए पनि अहिले फेरी बन्द गर्नु पर्ने अवस्था आएको छ । 

जिल्ला प्रहरी कार्यालयले वर्षा जारी रहेकाले अत्यावश्यक बाहेक यो मार्गबाट यात्रा नगर्न सम्बद्ध सबैमा अनुरोध गरेको छ ।