काठमाडौं । निर्वाचन आयोगले राजनीतिक दलहरुलाई छलफलका लागि बोलाएको छ । निर्वाचन सम्बन्धी कानुनबारे छलफल गर्ने आयोगले आज दिउँसो साढे १२ बजेका लागि बोलाएको हो । 

निर्वाचनसम्बन्धी कानुन संशोधन र एकीकृरण गर्न बनेको विधेयकको मस्यौदामा आयोग छलफलमा जुटेको छ ।

निर्वाचन आयोगले असार २०८० मा विभिन्न सात वटा ऐनलाई एकीकृत गरी मस्यौदा तयार गरेको थियो । उक्त मस्यौदा भने लामो समयदेखि सरकारले अघि बढाएको थिएनन । त्यही मस्यौदामाथि छलफल गर्न दलहरूलाई बोलाएको हो ।

आयोगले दलहरूलाई उक्त मस्यौदामा सुझावका लागि यसअघि नै पत्राचार पनि गरेको थियो ।