काठमाडौं । संघीय संसदको तल्लो सदन प्रतिनिधिसभाको बैठक आजका लागि डाकिएको छ । सोमबारबाट शुरु भएको बजेट अधिवेशन अन्तर्गत प्रतिनिधिसभाको बैठक आज पनि बस्न लागेको हो ।

आजको बैठकमा आगामी आर्थिक वर्षका लागि सरकारले सोमबार संसदमा पेश गरेको नीति तथा कार्यक्रमका बारेमा सांसदहरुबीच छलफल हुनेछ । छलफलमा दलीय प्रतिनिधित्वका आधारमा सांसदहरुले धारणा राख्नेछन् ।

राष्ट्रपति रामचन्द्र पौडेलले सदनको संयुक्त बैठकमा सोमबार सरकारको नीति तथा कार्यक्रम वाचन गरेका थिए । चालु सदनको अधिवेशनमा आर्थिक वर्ष २०८३–८४ को बजेटसमेत प्रस्तुत हुनेछ ।