काठमाडौं । सभामुख डोलप्रसाद अर्यालले प्रतिनिधिसभाका सचिव हर्कराज राईलाई हटाएका छन् । सभामुख अर्यालको सिफारिसमा राष्ट्रपति रामचन्द्र पौडेलले संघीय संसदको महासचिवसमेत रहेका सचिव राईलाई मंगलबारबाटै लागू हुने गरी पदबाट संसद सचिवालयबाट हटाएका हुन् । 

सङ्घीय संसद्का महासचिव, प्रतिनिधि सभाका सचिव तथा राष्‍ट्रिय सभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ६ को खण्ड (ङ) बमोजिम राईलाई हटाइएको जनाएको छ । 

सङ्घीय संसद्का महासचिव, प्रतिनिधि सभाका सचिव तथा राष्‍ट्रिय सभाका सचिवलाई सभामुख तथा राष्ट्रिय सभाको अध्यक्षको रिफारिसमा राष्ट्रपतिले नियुक्त गर्ने तथा हटाउने व्यवस्था छ ।