काठमाडौं । नेकपा ९एमाले०ले पार्टी उपाध्यक्ष विष्णुप्रसाद पौडेलको गिरफ्तारीलाई प्रतिशोधपूर्ण, पूर्वाग्रहप्रेरित र गैरकानुनी कदम भएको निष्कर्ष निकाल्दै त्यसविरुद्ध राजनीतिक तथा कानुनी रूपमा सशक्त प्रतिवाद गर्ने निर्णय गरेको छ । पार्टी अध्यक्ष केपी शर्मा ओलीको निवास गुण्डु, भक्तपुरमा मंगलबार राति बसेको केन्द्रीय सचिवालय बैठकले यस्तो निर्णय गरेको हो ।

बैठकले सम्पत्ति शुद्धीकरणको नाममा उपाध्यक्ष पौडेललाई पक्राउ गरिएको भन्दै उक्त कदम कुनै वस्तुगत तथ्य र प्रमाणमा आधारित नभएको दाबी गरेको छ । एमालेले यसलाई राजनीतिक प्रतिशोध र शक्ति दुरुपयोगको परिणामका रूपमा व्याख्या गरेको छ ।

बैठकले उपाध्यक्ष पौडेललाई बिनासर्त तथा अविलम्ब रिहा गर्न सरकार र सम्बन्धित निकायसँग माग गरेको छ ।

साथै, राज्य संयन्त्रको दुरुपयोग गरी राजनीतिक प्रतिशोध साँधिएको आरोप लगाउँदै एमालेले घटनाविरुद्ध देशव्यापी राजनीतिक प्रतिरोध र भण्डाफोर अभियान सञ्चालन गर्ने निर्णयसमेत गरेको जनाएको छ। 

उक्त अभियानमा पार्टीका सम्पूर्ण नेता–कार्यकर्ता तथा न्याय र लोकतन्त्रप्रेमी नागरिकलाई सक्रिय सहभागिताका लागि एमालेले आह्वान गरेको छ ।