काठमाडौं । नेपाल प्रहरीका प्रहरी महानिरीक्षक (आईजीपी) दानबहादुर कार्कीले पूर्वी तराईका केही क्षेत्रमा धार्मिक तथा सामाजिक सद्भाव बिथोल्ने र नागरिकमा डर–त्रास फैलाउने खालका गतिविधि देखिनु अत्यन्तै दुःखद भएको बताएका छन् ।

सामाजिक एकतामा खलल पुग्ने गरी उत्तेजक अभिव्यक्ति दिने, अफवाह फैलाउने वा कानुन हातमा लिने कार्य कसैको हितमा नहुने स्पष्ट पार्दै उनले यस्ता गतिविधिले समाजमा अविश्वास, तनाव र विभाजन मात्रै निम्त्याउने उल्लेख गरेका छन् ।

आईजीपी कार्कीका मुख्य भनाइहरूः
अफवाह र उत्तेजनाको साटो विवेक र संयमस् संवेदनशील परिस्थितिमा अफवाह र घृणास्पद अभिव्यक्तिभन्दा विवेक, संयमता र सद्भावको बाटो रोज्न प्रहरी नेतृत्वले आग्रह गरेको छ ।

साझा दायित्व र सम्मानस् एकअर्काको आस्था, अधिकार र मर्यादाको सम्मान गर्नु हरेक नागरिकको साझा जिम्मेवारी भएको कार्कीको भनाइ छ ।

एउटै भावना, एउटै देशः ‘हाम्रो धर्म, संस्कार र संस्कृति फरक हुन सक्छन्, तर हाम्रो मुलुक एउटै हो र भावना पनि एउटै छ’ आईजीपी कार्कीले भने ।

सामाजिक सद्भाव र राष्ट्रिय एकता जोगाउन आह्वान
महानिरीक्षक कार्कीले यस संवेदनशील घडीमा सम्पूर्ण नेपालीहरूलाई आपसमा संयम, सहिष्णुता र भाइचारा कायम राख्न अपिल गरेका छन् । एकअर्काको संस्कृति र आस्थाप्रति सम्मान व्यक्त गर्दै सामाजिक सद्भाव तथा राष्ट्रिय एकतालाई मजबुत बनाउन उनले सबै पक्षसँग आग्रह गरेका छन् ।