काठमाडौँ । नेपाल बैंकको प्रमुख कार्यकारी अधिकृत (सीईओ) का लागि ५ जनाको नाम सर्ट लिष्टिङ गरिएको छ  ।  बैंकले खुला प्रतिस्पर्धात्मक प्रतियोगिताबाट पदपूर्ति गर्नका लागि १९ जना आवेदकबाट ५ जनाको नाम सर्ट लिष्टिङ गरेको जनाएको छ । 

सर्ट लिष्टिङमा पर्नेमा अशोक कुमार पौडेल, तिलक राज पाण्डेय, ध्रुवचन्द्र गौतम, लक्ष्मण पौडेल र समता पन्त (भट्ट) रहेका छन् । उनीहरूको अन्तरवार्ता भने बुधवार पुस ४ गते हुने बताइएको छ । गत असोज २१ गते खुलाइएको आवेदनमा १९ जनाले आवेदन दिएका थिए ।

बैंकको सञ्चालक समितिबाट गठित छनौट उपसमितिले ५ जनालाई अन्तरवार्ताका लागि छनौट गरेको हो ।  नेपाल बैंकमा यसअघि कृष्ण बहादुर अधिकारी सीईओ थिए । अधिकारीको कार्यकाल असोजमा सकिएको हो ।