काठमाडौं । नेपाल धितोपत्र बोर्डले रिलायन्स स्पिनिङ मिल्सलाई बुक बिल्डिङ पद्दतीबाट प्राथमिक सेयर (आईपीओ) निष्कासन गर्न अनुमति दिएको छ । 

नेपाल धितोपत्र बोर्डले बिहीबार कम्पनीलाई बुक बिल्डिङ बिधिबाट आईपीओ जारी गर्न अनुमति दिएको हो । कम्पनीले योग्य संस्थागत लगानीकर्ताका लागि पहिले सेयर जारी गर्नेछ । योग्य संस्थागत लगानीकर्ताका लागि कम्पनीको सेयरमा मूल्य रेञ्ज न्यूनतम ६०८ रुपैयाँदेखि अधिकतम ९१२ रुपैयाँसम्म तोकिएको छ ।

यो मूल्य रेञ्जमा रहेर अब योग्य संस्थागत लगानीकर्ताबाट आवेदन माग हुनेछ । संस्थागत लगानीकर्ताले आवेदन दिइसकेपछि कटअफ प्राइस निर्धारण हुनेछ । सोही कटअफ प्राइसको १० प्रतिशत न्यून मूल्यमा पछि सर्वसाधारणलाई जारी हुनेछ ।

कम्पनीले संस्थागत लगानीकर्तालाई जम्मा ७ लाख ७० हजार ६४० कित्ता सेयर जारी गर्नेछ । यस कम्पनीको सेयर निष्कासन तथा बिक्री प्रवन्धकमा ग्लोबल आईएमई क्यापिटल रहेको छ ।