फोनपे पेमेंट सर्भिस लिमिटेड र कर्मचारी सञ्चय कोष (इ.पी.यफ) बीच, ए.पी.आइ (API) आधारित होस्ट-टु-होस्ट (H2H) भुक्तानीको सुविधा प्रदान गर्न एक महत्वपूर्ण साझेदारी भएको छ।

यो इन्टेग्रेशनले, कर्मचारी सञ्चय कोषको एर्प (इ.आर.पी) प्रणालीलाई फोनेपेको भुक्तानी प्रणालीसँग जोडेको छ । यसो गर्दा, कर्पोरेट भुक्तानीहरु जस्तै, व्यवसायदेखि ग्राहक (B2C), व्यवसायदेखि व्यवसाय (B2B) र  व्यवसायदेखि सरकार (B2G) सम्मको भुक्तानी सरल अनि सजिलो भएको छ !  साथै, यो व्यवस्थाले फोनपेको इन्टरओपरेबल बिलर प्लेटफर्म मार्फत सापटीहरूबाट प्राप्त रकम संकलन गर्न कर्मचारी सञ्चय कोषलाई सक्षम बनाउनेछ।

यस रणनीतिक साझेदारीको फलस्वरुप, अब कर्मचारी सञ्चयकोषमा आबद्ध सदस्यहरूले, मोबाइल बैंकिङ एप्स, इन्टरनेट बैंकिङ, र ओम्नि च्यानल वेबसाइटहरू मार्फत सजिलै आफ्नो भुक्तानी गर्न सक्ने छन् ।आधुनिक डिजिटल भुक्तानी पूर्वाधार; जस्तै होस्ट-टु-होस्ट (H2H) भुक्तानी इन्टेग्रेशनले कर्पोरेट भुक्तानीहरुको साथ-साथै विभिन्न वित्तीय प्रक्रियाहरूलाई पनि सरल बनाउने गरेको छ।

कर्मचारी सञ्चय कोषसँगको यो साझेदारी, प्रयोगकर्ताहरूको लागि वित्तीय पहुँच र दक्षता बढाउने फोनपेको लक्ष्य संग प्रतिबद्ध रहेको भन्दै , फोनपेका प्रमुख कार्यकारी अधिकृत दिवस कुमारले भने,

"हामीले डिजिटल भुक्तानी समाधानहरूलाई एकीकृत गरेर, प्रयोगकर्ताहरूलाई केवल सुविधा मात्र दिइरहेका छैनौं; हामी डिजिटल नेपाल बनाउने लक्ष्यमा पनि सक्रिय रूपमा योगदान गरिरहेका छौं। यो साझेदारीले, हाम्रो प्रतिबद्दता अनुरुप, वित्तीय सेवाहरूलाई सबै नेपालीहरूको लागि थप पहुँच योग्य र ग्राहक मैत्री बनाएको छ । हामीले यस साझेदारी मार्फत धेरै नयाँ भुक्तानी समाधानहरू पनि प्रस्तुत गर्ने लक्ष्य राखेका छौं।"

कर्मचारी सञ्चय कोषका कार्यवाहक प्रमुख प्रबन्धक दर्शन भट्टराईले भने, "फोनपे सँगको सहकार्य हाम्रो वित्तीय सेवाहरूलाई आधुनिकीकरण गर्ने रणनीतिक कदम हो। कर्मचारी सञ्चय कोष अन्तर्गत सापटीहरुमा डिजिटल भुक्तानी सेवा सुचारुले, हाम्रो सदस्यहरूको भुक्तानी प्रक्रियालाई सहज र छिटो बनाउनेछ। यस साझेदारीले, हाम्रा योगदानकर्ताहरूलाई फाइदा पुर्याउने नवीन समाधानहरू अपनाउने हाम्रो प्रतिबद्धतालाई दर्साएको छ।

फोनपे बारे

फोनपे, नेपाल राष्ट्र बैंक (नेपाल राष्ट्र बैंक) द्वारा इजाजतपत्र प्राप्त र नियमन गरिएको नेपालको सबैभन्दा ठूलो भुक्तानी प्रणाली संचालक हो। यफ.वान सफ्ट (F1soft) समूहको सहायक कम्पनी, फोनपे एक ISO/IEC २७००१ : २०२२ प्रमाणित कम्पनी हो। फोनपेले बैंक तथा वालेटका ग्राहकहरुका साथै व्यवसायहरुलाई छिटो, सुरक्षित र भरपर्दो डिजिटल नगदरहित भुक्तानी सेवाहरु दिदै नगदरहित अर्थतन्त्रमा योगदान पुर्याउन सक्रिय प्रयासहरु गर्दै आएको छ।फोनपे, भुक्तानी प्रणालीको पहुँचलाई फराकिलो बनाउन, सञ्चालनमा थप दक्षता हासिल गर्दै प्रविधिको प्रयोग मार्फत मोबाइल भुक्तानी नेटवर्कमा नयाँ आविष्कारहरू ल्याउनमा केन्द्रित छ।

थप जानकारीको लागि: https://fonepay.com/

कर्मचारी सञ्चय कोष बारे

अहिलेको समयमा, कर्मचारी सञ्चय कोषले उत्कृष्ट सामाजिक सुरक्षा सेवाहरू दिन प्रतिबद्धता देखाएको छ। डिजिटल प्रविधिलाई अपनाएर, हामीले हाम्रो सेवाहरूलाई छिटो, पहुँचयोग्य र सदस्यहरूको खुशीको लागि सुधार गरेका छौं। हाम्रो अनलाइन प्लेटफर्मले सदस्यहरूलाई लाभ आवेदनदेखि वास्तविक समय भुक्तानीसम्मका सेवा सजिलै पहुँच गर्न मद्दत गर्छ। आधुनिक प्रविधिको प्रयोगले, हामी प्रतीक्षा समय घटाउँदै र प्रक्रियाहरू सजिलो बनाउँदैछौं, जसले गर्दा सदस्यहरूले छिटो र सजिलै सहायता पाउँछन्। कर्मचारी सञ्चय कोषमा, हामी हाम्रो सदस्य र समुदायलाई राम्रो सेवा दिन निरन्तर डिजिटल समाधानहरू सुधार गर्दैछौं। थप जानकारीको लागि: