उपत्यकासहित वाग्मती प्रदेशमा सार्वजनिक सवारीको घट्यो भाडा [सूचिसहित]

खबरमुकाम
२०८० जेठ १२ शुक्रबार

खबरमुकाम । बाग्मती प्रदेशमा छोटो दूरीमा चल्ने सार्वजनिक गाडीको भाडा घटेको छ । बाग्मती प्रदेशको श्रमरोजगार तथा यातायात मन्त्रालयले वाग्मती प्रदेशमा छोटो दूरीमा चल्ने सार्वजनिक गाडीको भाडादर घटाएको हो ।

पेट्रोलियम पदार्थको मूल्यवृद्धि भएसँगै २०७९ साउन ५ गते बढाइएको भाडादर हाल आएर पेट्रोलियम पदार्थको मूल्य घटेसँगै भाडादर घटाइएको छ । मन्त्रालयले घटाएर कायम गरेको भाडादर आजै राजपत्रमा प्रकासित भएको छ । मन्त्रालयका अनुसार २०८० जेठ ८ गतेको मन्त्रीस्तरीय निर्णयअनुसार आज (शुक्रबार) देखि लागू हुनेगरी दूरीअनुसार नयाँ भाडादर कायम गरिएको मन्त्रालयले जनाएको छ ।